మెగా కుటుంబంలోని చూడముచ్చటైన జంటల్లో స్టైలిష్‌ స్టార్‌ అల్లు అర్జున్‌, స్నేహారెడ్డి ఒకరు. అయితే బన్నీ సరదాగా తన భార్యను ఉద్దేశిస్తూ ఇన్‌స్టాగ్రామ్‌లో ఓ పోస్ట్‌ పెట్టారు. ఆఫ్‌ వైట్‌ సల్వార్‌ కమీజ్‌ దుస్తుల్లో అందంగా తయారైన స్నేహా ఫొటోను పోస్ట్‌ చేస్తూ 'ఓ మై గాడ్‌..ఇంతటి అందమైన అమ్మాయిని నేను పెళ్లి చేసుకున్నానని నమ్మలేకపోతున్నాను' అని చమత్కరించారు. ప్రముఖ స్టైలిస్ట్‌ హర్మాన్‌ కౌర్‌ స్నేహాను ఇలా అందంగా ముస్తాబుచేశారట. బన్నీ ఈ ఫొటోను పోస్ట్‌ చేసిన కొద్దిసేపటికే రెండు లక్షలకుపైగా లైక్‌లు వచ్చాయి.