వడ్డీరేట్లను యథాతథంగా కొనసాగించనున్నట్టు అమెరికా ఫెడరల్‌ రిజర్వ్‌ ప్రకటించింది. దీంతో ఫెడ్‌ వడ్డీ రేట్లు1.75 శాతం నుంచి 2 శాతంగా కొనసాగనున్నాయి. రెండు రోజుల సమావేశాల అనంతరం బుధవారం సాయంత్రం ఫెడరల్‌ రిజర్వు పరపతి నిర్ణయాలను ప్రకటించింది. సెప్టెంబర్‌లో వడ్డీరేట్ల పెంపు ఉంటుందని సంకేతాలిచ్చింది. గత నెలలో ఫెడ్‌ వడ్డీ రేట్ల పెంపు ఆర్థిక వ్యవస్థను దెబ్బతీయనుందని దేశ అధ్యక్షుడు ట్రంప్ మండిపడ్డారు. దేశ ఆర్థిక వ్యవస్థ పురోగమిస్తున్న నేపధ్యంలో ఉపాధి మార్కెట్‌ పటిష్టమైందని ఫెడ్‌ కమిటీ అభిప్రాయపడింది.