సినాయ్‌లో కూలిన రష్యా విమానాన్ని ఉగ్రవాదులు కూల్చలేదని ఈజిప్టు స్పష్టం చేసింది. ఉగ్రవాదుల వల్లే రష్యా విమానం కూలిందనడానికి ప్రాధమిక విచారణలో ఆధారాలు ఏమీ దొరకలేదని ఈజిప్టు అధికారులు తెలిపారు. ఈ ఘటనపై ఇంకా విచారణ కొనసాగుతోందని ఈజిప్టు పౌర విమానయాన మంత్రిత్వశాఖ పేర్కొంది. ఆ విమాన దుర్ఘటనలో సుమారు 224 మంది ప్రయాణికులు మరణించారు. అయితే విమానంలో ఉగ్రవాదులు బాంబు పెట్టడం వల్లే ప్రమాదం జరిగిందని రష్యా ఆరోపించింది. సాంకేతిక విచారణాధికారుల కమిటీ చేపట్టిన దర్యాప్తులో ఉగ్ర అనుమానాలకు సంబంధించిన ఆనవాళ్లు ఏమీ చిక్కలేదని ఓ అధికారి తెలిపారు. రష్యా విమానాన్ని తామే కూల్చామని గతంలో ఐసిస్ కూడా ప్రకటించుకుంది