కొన్ని జబ్బులకు సంబంధించిన వైరస్‌లు వైరల్‌లా పాకిపోతుంటాయి. తాజాగా ‘కికి’ వైరస్ దేశాన్ని ఊపేస్తుంది. ఈ ఛాలెంజ్‌ని స్వీకరిస్తూ హీరోయిన్లు కదులుతున్న కారులో నుంచి సడెన్‌గా దిగి డాన్సులు చేయడం మొదలు పెడుతున్నారు.

తిన్నగా వెళితేనే ట్రాఫిక్‌కి అంతరాయం, బోలెడు యాక్సిడెంట్లు జరుగుతుంటే మళ్లీ ఈ కొత్త కికి ఏంటి బాబు మా ప్రాణాలు తీయడానికి కాకపోతే అని పోలీసులు నెత్తీ నోరు బాదుకుంటున్నారు.

నటి ఆదాశర్మపై కూడా విమర్శలు వెల్లువెత్తాయి. అయితే వెల్లువెత్తుతున్న విమర్శలపై ఆదా స్పందించింది. తాను ఆగిఉన్న కారు దిగి పక్కన డ్యాన్స్ చేసానని, కారు కదలట్లేదని వివరణ ఇచ్చుకుంది. ఆ సమయంలో షూటింగ్‌లో ఉన్నానని అదే కాస్ట్యూమ్‌తో డ్యాన్స్ చేసానని అంటోంది. తానేమీ కదులుతున్న కారు నుంచి దూకలేదని రూల్స్ అతిక్రమించలేదని అంటోంది. కావాలంటే మరోసారి వీడియో చూడండి అంటూ వీడియో పోస్ట్ చేసింది.