బాబిలో గ్రూప్‌ యూఏఈలో 20 నర్సరీలను ప్రారంభించేందుకు సన్నాహాలు చేస్తుంది. ఇందులో భాగంగా 400 మంది సిబ్బందిని నియమించుకోనుంది బాబిలో గ్రూప్‌. యూరోప్‌ వ్యాప్తంగా సుమారు 850 నర్సరీలను కలిగి వుంది ఈ సంస్థ. బాబిలో గ్రూప్‌ మార్కెటింగ్‌ అండ్‌ కమ్యూనికేషన్‌ మేనేజర్‌ మాట్లాడుతూ రానున్న మూడేళ్ళలో 20 నర్సరీలను యూఏఈలో స్థాపించాలనే లక్ష్యంగా పెట్టుకున్నామన్నారు. మెనా రీజియన్‌లో మొత్తం 50 నర్సరీలను స్థాపించాలనే లక్ష్యం పెట్టుకున్నారట. తొలి సిగ్నేచర్‌ నర్సరీని దుబాయ్‌ డౌన్‌టౌన్‌లో ప్రారంభించారు. రెండో బ్రాంచ్‌ ఉమ్‌ సకీమ్‌లో రానున్న కొద్ది వారాల్లో ప్రారంబిస్తారు. ఒక్కో నర్సరీ కోసం 20 మందిని నియమించుకోనుంది బాబిలో గ్రూప్‌. దుబాయ్‌ మరియు షార్జాల్లో తమ కార్యకలాపాల్ని విస్తరించాలనుకుంటున్నామనీ, 2016లో దుబాయ్‌లో కార్యకలాపాల్ని విస్తరించడంపైనే ప్రస్తుతం దృష్టిపెట్టామని బాబిలో గ్రూప్‌ ప్రతినిథులు చెప్పారు.