అమెరికాకు చెందిన అతిపెద్ద రిటైల్‌ దిగ్గజం వాల్‌మార్ట్‌తో ఓ ఆరేళ్ల బాలుడు డీల్‌ కుదుర్చుకున్నాడు. యూట్యూబ్‌లో బొమ్మలను సమీక్షించే ఆరేళ్ల బాలుడు ర్యాన్‌, ఏకంగా తన సొంత టోయస్‌ బ్రాండులను మార్కెట్‌లోకి తీసుకొచ్చి విక్రయించడం మొదలుపెట్టాడు. దీని కోసం వాల్‌మార్ట్‌కు చెందిన 2500 అమెరికా స్టోర్లతో, వెబ్‌సైట్‌తో సోమవారం డీల్‌ కుదుర్చుకున్నాడు. గతేడాది 8వ బెస్ట్‌ పెయిడ్‌ యూట్యూబర్‌గా కూడా నిలిచాడు. యూట్యూబ్‌లో టోయిస్‌లను రివ్యూ చేస్తూ ఉంటాడు. ఇప్పటికీ ర్యాన్‌ యూట్యూబ్‌ బొమ్మల రివ్యూ ఛానల్‌కు 15 మిలియన్లకు పైగా సబ్‌స్క్రైబర్లున్నారు.