ఒకే కారు.. అదీ లాంబోర్గాని.. కేవలం మూడు గంటల్లోనే 170,000 దిర్హామ్‌ల జరీమానాకి గురయ్యింది. కారుని డ్రైవింగ్‌ చేస్తున్న వ్యక్తి అతి వేగంతో వెళ్ళడమే దీనికి కారణం. గంటకు 240 కిలోమీటర్ల వేగంతో అతి ఖరీదైన లాంబోర్గానీ కారుని నడిపాడు ఆ కారు డ్రైవర్‌. యూరోపియన్‌ విజిటర్‌, రెంటెడ్‌ కారులో ఈ ఫీట్‌కి పాల్పడ్డాడు. షేక్‌ జాయెద్‌ రోడ్డుపై ఈ కారు అతి వేగంతో వెళ్తుండడాన్ని రాడార్లు పసిగట్టాయి. ఈ రోడ్డుపై అతి వేగానికిగాను 1.3 మిలియన్‌ దిర్హామ్‌ల జరీమానా విధించారు. తెల్లవారు ఝామున 2.30 నిమిషాల సమయంలో గంటకు 230 నుంచి 240 కిలోమీటర్ల వేగంతో ప్రయాణించింది ఈ కారు.