ఒమన్‌ నుంచి యూఏఈలోకి రోడ్డు మార్గంలో ప్రయాణించాలనుకునేవారు హట్టా బోర్డర్‌కి ప్రత్యామ్నాయం ఎంచుకోవాలని ఎంబసీ అధికారులు సూచిస్తున్నారు. వారాంతాలు, శెలవుదినాల్లో మట్టా మార్గం ట్రాఫిక్‌ రద్దీతో వాహనదారులకు ఇబ్బందికరంగా మారుతోందనీ, ఈ ఇబ్బందుల్ని అధిగమించడానికి ప్రత్యామ్నాయ మార్గాలవైపు దృష్టి సారించాలని వాహనదారులకు అధికారులు సూచించారు. ఒమన్‌లోని యూకే ఎంబసీ ఈ విషయాన్ని వెల్లడించింది. అయితే యూఏఈ ఎంబసీ మాత్రం ఎలాంటి కంప్లయింట్స్‌ తమకు రాలేదని చెబుతుంది. సోషల్‌ మీడియా ద్వారా యూకే ఎంబసీకి ట్రాఫిక్‌ ఇబ్బందులపై ఓ మెసేజ్‌ వచ్చింది. అందులో ఒమన్‌కి వచ్చే అల్‌ అయిన్‌, అల్‌ బురైమి బోర్డర్‌లో కూడా ట్రాఫిక్‌ ఇబ్బందులు ఉన్నాయని పేర్కొన్నారు. కల్బా రోడ్‌ ద్వారా ఒమన్‌లోకి వచ్చేటప్పుడు రెండున్నర గంటలు అదనంగా సమయం పడుతోందని పలువురు ప్రయాణీకులు చెప్పారు.