I


షార్జాలోని అల్‌ ఘయిల్‌ ఇండస్ట్రియల్‌ ఏరియాలోని ఓ ఫ్యాక్టరీలో భారతదేశానికి చెందిన ఓ కార్మికుడు ప్రమాదవశాత్తూ మృతిచెందాడు. విధి నిర్వహణలో ఉండగా స్టీల్‌ రాడ్‌ ఒకటి అతనిపై పడింది. దాంతో బాధితుడి తలభాగానికి తీవ్రగాయాలు అయ్యాయి. సమాచారం అందుకున్న వెంటనే బాధితుడ్ని ఆసుపత్రికి తరలించగా, ఆపరేషన్‌ జరుగుతున్న సమయంలో మృతి చెందినట్లు పోలీసులు చెప్పారు. ఫ్యాక్టరీలు, కన్‌స్ట్రక్షన్‌ కంపెనీలు కార్మికుల భద్రత కోసం ఖచ్చితంగా సేఫ్టీ మెజర్స్‌ తీసుకోవాలని పోలీసులు సూచించారు. బాధితుడు ప్రమాదం జరిగిన సమయంలో సేఫ్టీ హెల్మెట్‌ పెట్టుకోలేదని సహచరులు పోలీసు అధికారులకు సమాచారమిచ్చారు.