ఎడతెరపి లేకుండా కురుస్తున్న వర్షాలకు కేరళ రాష్ట్ర ప్రజలు తీవ్ర ఇబ్బందులు ఎదుర్కొంటున్నారు. దీంతో టాలీవుడ్ యంగ్ హీరో స్పందించారు. కేరళ వాసుల కోసం రూ.5 లక్షలు విరాళం ఇచ్చారు. 'విహారయాత్రకు వెళ్లాలంటే కేరళ నా మొదటి ఎంపిక. అక్కడే నాకు మంచి స్నేహితులు కూడా దొరికారు. వారిని (కేరళ బాధితులను) నేరుగా ఎలా కలవాలో తెలియడం లేదు. రౌడీస్‌ మీకు తోచిన చిన్న సాయం చేయండి' అని విజయ్‌ ట్వీట్‌ చేశారు. ఈ నేపథ్యంలో నెటిజన్లు విజయ్‌ దేవరకొండను ప్రశంసిస్తూ కామెంట్లు చేశారు. 'మీది బంగారు హృదయం, మేము కూడా సహాయం చేస్తాం' అని రాశారు.