అమెరికా:అమెరికాలోని వెర్మాంట్‌ రాష్ట్రానికి చెందిన 14ఏళ్ల ఏథన్‌ సోన్నెబర్న్‌ గవర్నర్‌ పదవి రేసులోకి దిగాడు. ఈ రాష్ట్రంలో చట్టప్రకారం గవర్నర్‌ పదవికి పోటీ చేయడానికి వయసు పరిమితి లేదు. పోటీ పడే అభ్యర్థి వెర్మాంట్‌లో నాలుగేళ్లు ఉండి ఉండాలి. కాగా ఏథన్ 14ఏళ్లుగా వెర్మాంట్‌లోనే ఉంటున్నాడు. దీంతో తాను కూడా పోటీ చేయడానికి అర్హుడనని పోటీలో నిలబడ్డాడు. స్కూల్‌ పిల్లాడినని అనుకోవద్దని,వెర్మాంట్‌లో ఏం మార్పులు కావాలని కోరుకుంటున్నారో.. అవన్నీ పూర్తిచేయడానికి తానే సరైన అభ్యర్థినని ఇటీవల జరిగిన టౌన్‌హాల్‌ ఈవెంట్‌లో ప్రజలకు వెల్లడించాడు.