మస్కట్‌:అల్‌ వుస్తాలో జరిగిన కారు ప్రమాదంలో ఏడుగురు వ్యక్తులు ప్రాణాలు కోల్పోగా, ఐదుగురు గాయపడ్డారు. కారు ప్రమాదంలో ప్రాణాలు కోల్పోయినవారంతా సౌదీ జాతీయులని రాయల్‌ ఒమన్‌ పోలీస్‌ పేర్కొనడం జరిగింది. రెండు కార్లు విలాయత్‌ ఆఫ్‌ హైమాలో ఢీకొన్నాయనీ, ఈ ఘటనలో ఏడుగురు చనిపోగా, ఐదుగురు గాయపడ్డారని రాయల్‌ ఒమన్‌ పోలీస్‌ ఓ ప్రకటనలో పేర్కొంది. గాయపడ్డవారిని హైమా ఆసుపత్రికి తరలించినట్లు రాయల్‌ ఒమన్‌ పోలీస్‌ వెల్లడించింది. అల్‌ వుస్తా గవర్నరేట్‌ పరిధిలో ఈ ఘటన జరిగింది.