బహ్రెయిన్:28 ఏళ్ళ బహ్రెయినీ వ్యక్తిని పోలీసులు అరెస్ట్‌ చేశారు. అతని వద్ద నుంచి 133 నార్కోటిక్‌ పిల్స్‌ని పోలీసులు స్వాధీనం చేసుకున్నారు. ఆ సమయంలో నిందితుడు, అబ్‌నార్మల్‌ స్టేట్‌లో పోలీసులకు చిక్కాడు. అనుమానాస్పదంగా నిందితుడు కన్పించాడనీ, ఆ సందర్భంలో అతని చేతిలో ఓ గ్లాస్‌ బాక్స్‌ వుందనీ, దాన్ని తనిఖీ చేస్తే అందులో 133 నార్కోటిక్‌ పిల్స్‌, హాషిష్‌ దొరికాయని విచారణాధికారులు వెల్లడించారు. నిందితుడిపై కేసులు నమోదు చేసిన పోలీసులు, అతన్ని కోర్టులో హాజరు పరిచారు. పలు రకాలైన డ్రగ్స్‌కి సంబంధించి ఆయనపై పరీక్షలు జరపగా, వాటిల్లో పాజిటివ్‌ అని తేలింది. నిందితుడిపై డ్రగ్స్‌ సేవించినందుకు కూడా కేసులు నమోదు చేశారు.