మస్కట్‌: 1988 నుంచి ఇప్పటిదాకా రాయల్‌ ఒమన్‌ హాస్పిటల్‌ 300 కిడ్నీ ట్రాన్స్‌ప్లాంట్‌ శస్త్ర చికిత్సలు నిర్వహించింది. వీటిల్లో 95 శాతానికి పైగా సక్సెస్‌ రేట్‌ వుందని ఆసుపత్రి వర్గాలు వెల్లడించాయి. అత్యంత సమర్థత కలిగిన వైద్యుల కారణంగానే ఈ ఘనత సాధ్యమయ్యిందని రాయల్‌ హాస్పిటల్‌ ఓ ప్రకటనలో పేర్కొంది. కిడ్నీ ట్రాన్స్‌ప్లాంట్‌కి సంబంధించి తొలి అడుగు సుల్తానేట్‌లో 1973లో పడింది. స్పెషలైజ్డ్‌ మెడికల్‌ స్టాఫ్‌తో అత్యంత పకడ్బందీగా కిడ్నీ ట్రాన్స్‌ప్లాంట్‌ శస్త్ర చికిత్సలు చేయాల్సి వుంటుంది. బెస్ట్‌ ఇంటర్నేషనల్‌ హెల్త్‌ ఇన్‌స్టిట్యూషన్‌లో ట్రెయినింగ్‌ పొందిన సమర్థులు మాత్రమే ఈ తరహా శస్త్ర చికిత్సలు చేయగలరని ఆసుపత్రి వర్గాలు వెల్లడించాయి. శస్త్ర చికిత్సకు ముందు, ఆ తర్వాత రోగి విషయంలో తీసుకునే జాగ్రత్తల్ని బట్టి సక్సెస్‌ రేట్‌ ఆధారపడి వుంటుందని, ఈ విషయంలో తమ ఆసుపత్రికి బెస్ట్‌ రికార్డ్‌ వుందని వైద్యులు చెప్పారు.