యూత్ లో విపరీతమైన క్రేజ్ వున్న యువ కథానాయకులలో విజయ్ దేవరకొండ ఒకరు. ఆయన హీరోగా 'నోటా' అనే వైవిధ్యభరితమైన కథాంశంతో సినిమా రూపొందుతోంది.జ్ఞానవేల్ రాజా నిర్మిస్తోన్న ఈ సినిమాలో విజయ్ దేవరకొండ సరసన మెహ్రీన్ .. సంచన నటరాజన్ నటిస్తున్నారు. ఆనంద్ శంకర్ దర్శకుడిగా .. తెలుగు - తమిళ భాషల్లో ఈ సినిమా నిర్మితమవుతోంది. సమకాలీన రాజకీయాల నేపథ్యంలో రూపొందుతోన్న ఈ సినిమాను అక్టోబర్ 4వ తేదీన విడుదల చేయనున్నారు. ఈ సినిమా నుంచి ట్రైలర్ ను రిలీజ్ చేయడానికి ముహూర్తాన్ని ఖరారు చేశారు. ఈ నెల 6వ తేదీ సాయంత్రం 4 గంటలకు ట్రైలర్ ను వదలనున్నారు.