బహ్రెయిన్‌:బహ్రెయినీ పౌరుడొకరు 'రియల్‌ హీరో' అన్పించుకున్నారు. నీటిలో మునిగిపోతున్న ఐదుగురు సభ్యుల కుటుంబాన్ని ప్రాణాలకుత తెగించి కాపాడాడు. దురదృష్టవశాత్తూ ఈ ఘటనలో ఐదేళ్ళ బాలిక ఫాతిమా జాఫర్‌ అ అలి మాత్రం ప్రాణాలు కోల్పోయింది. ఆసుపత్రిలో వైద్య చికిత్స పొందుతూ ఆమె మరణించింది. అత్యంత విషమ పరిస్థితుల్లో ఆమెను ఆసుపత్రికి తరలించగా, ఆమెను రక్షించేందుకు వైద్యులు చాలా ప్రయత్నించారు. అయితే ఆమె ప్రాణాల్ని కాపాడలేకపోయినట్లు సల్మానియా మెడికల్‌ కాంప్లెక్స్‌ ఆసుపత్రి వైద్యులు చెప్పారు. ఈ మొత్తం ఎపిసోడ్‌లో బహ్రెయినీ సెయిలర్‌ జాఫర్‌ అహ్మద్‌ యూసఫ్‌ని హీరోగా అభివర్ణిస్తున్నారంతా. భారీ కెరటాలు కుటుంబాన్ని నీటి కొట్టుకుపోయేలా చేయగా, అది చూసిన సెయిలర్‌ జాఫర్‌ అహ్మద్‌, వెంటనే సముద్రంలోకి దూకి, ఒకరి తర్వాత ఒకర్ని రక్షించారు.