సెలబ్రిటీ కపుల్ ప్రియాంక చోప్రా, నిక్ జొనాస్ ఇద్దరూ న్యూయార్క్ ఫ్యాషన్ వీక్‌లో మెరిశారు. పాతికేళ్ళ సింగర్ జొనాస్..36 ఏళ్ళ ప్రియాంకతో తన మొట్టమొదటి ' ములాఖాత్ ' గురించి ఈ సందర్భంగా గుర్తు చేశాడు. మొదటిసారిగా ఓ ఫ్రెండ్ ద్వారా ఆమెను అప్రోచ్ అయినప్పుడు..' షీ ఈజ్ ది బెస్ట్ ' అన్న నిర్ధారణకు వచ్చానని తెలిపాడు. ఓ టెక్స్ట్ తో ఇద్దరం టచ్‌లోకి వచ్చామని, ఆరు నెలల పాటు నేరుగా మాట్లాడుకోకున్నా .. మెసేజ్‌లతో ఫ్రెండ్‌షిప్ కంటిన్యూ చేశామని అన్నాడు.

ఒకప్పుడు నా కన్సార్ట్‌కు వచ్చిన ప్రియాంక నాతో అంటీముట్టనట్టు మాట్లాడింది. కానీ ఆ తర్వాత మా పరిచయం పెరిగి, ప్రేమగా మారింది..అని చెప్పుకొచ్చాడు. మా కజిన్ పెళ్లితోను, ముంబై, గోవా టూర్లతోను మేం మరింత చేరువయ్యాం అని నిక్ వెల్లడించాడు. ప్రియాంక, నిక్‌ల నిశ్చితార్థం ఇటీవల ఘనంగా జరిగిన సంగతి తెలిసిందే. బహుశా అక్టోబరులో వీరి వివాహం జరగవచ్చునని భావిస్తున్నారు.