దివికేగిన భారతీయ అందాల తార శ్రీదేవి విగ్రహాన్ని తమ దేశంలో నెలకొల్పాలని స్విట్జర్లాండ్‌ అధికారులు సన్నాహాలు చేస్తున్నారు. శ్రీదేవి నటించిన చాందిని సినిమాను ఇక్కడి సుందర ప్రదేశాల్లో తెరకెక్కించారు. 2016లో భారత సినీ దిగ్గజం యష్‌ చోప్రా విగ్రహాన్ని ఇక్కడ ఏర్పాటు చేశారు. ఇక్కడ పర్యాటకాన్ని ప్రోత్సహించే క్రమంలో శ్రీదేవి పాత్రను పరిగణనలోకి తీసుకుని ఆమె విగ్రహం ఏర్పాటుకు సన్నాహాలు చేస్తున్నామని అధికారులు తెలిపారు. స్విట్జర్లాండ్‌లో షూటింగ్‌ జరుపుకున్న తొలి భారతీయ సినిమాగా 1964లో రాజ్‌కపూర్‌ మూవీ సంగం నిలిచింది.