రజనీకాంత్‌ ప్రధాన పాత్రలో నటిస్తున్న చిత్రం '2.ఓ'లో బాలీవుడ్ హీరో అక్షయ్‌కుమార్‌ ప్రతి నాయకుడు. ఆదివారం తన పుట్టిన రోజు సందర్భంగా '2.ఓ'లో తన పాత్రకు సంబంధించిన ఫస్ట్ లుక్‌ను విడుదల చేశారు అక్షయ్‌. 'నా అభిమానులకు నేనిచ్చే బర్త్ డే పార్టీ ఇదే. నేను నటిస్తున్న ఓ శక్తిమంతమైన పాత్రను మీతో పంచుకుంటున్నాను. మాటలే రాని ఓ ప్రపంచానికి నేనో డార్క్‌ సూపర్‌ హీరోని. మనుషులతో జాగ్రత్త' అని అక్షయ్ దానికి క్యాప్షన్ రాశారు. ఈ చిత్రంలో అక్షయ్‌ కాకిని పోలిన గెటప్‌లో కనిపిస్తున్నారు. 'ఈ ప్రపంచం మనుషులు ఒక్కళ్లదే కాదు..' అని పోస్టర్‌పై రాసి ఉంది.