యూఏఈలోని పలు ప్రాంతాల్లో ఉష్ణోగ్రతలు ముందు ముందు కాస్త తగ్గుముఖం పట్టనున్నాయి. అయితే అప్పటిదాకా వాతావరణంలో వేడి కొనసాగుతుంది. ఆదివారం యూఏఈలో అత్యధిక ఉష్ణోగ్రత 46.8 డిగ్రీలుగా నమోదయ్యింది. సాధారణ నుంచి ఓ మోస్తరు వేగంతో గాలులు వీయడంతో, పలు ప్రాంతాల్లో డస్ట్‌ ఎక్కువగా బ్లో అయ్యే అవకాశాలున్నాయని నేషనల్‌ సెంటర్‌ ఫర్‌ మిటియరాలజీ పేర్కొంది. కోస్టల్‌ ఏరియాస్‌లో హ్యుమిడిటీ పెరగనుంది. సముద్రం మోడరేట్‌గా వుండే అవకాశం వుంది. రానున్న నాలుగు రోజుల్లోనూ దాదాపు ఇదే వాతావరణ పరిస్థితి కొనసాగనుంది. అయితే మంగళవారం ఉష్ణోగ్రత కొంతవరకు తగ్గవచ్చు.