మస్కట్‌:రుస్తాక్‌లో ఫలాజ్‌ కూలి ఓ వలస కార్మికుడు మృతి చెందినట్లు పబ్లిక్‌ అథారిటీ ఫర్‌ సివిల్‌ డిఫెన్స్‌ అండ్‌ అంబులెన్స్‌ వెల్లడించింది. అధికారులు వెల్లడించిన వివరాల ప్రకారం మెయిన్‌టెనెన్స్‌ నిమిత్తం పనులు చేస్తుండగా ఫలాజ్‌ కూలడంతో వలస కార్మికుడు మృతి చెందాడు. సంఘటన గురించిన సమాచారం అందుకోగానే సెర్చ్‌ అండ్‌ రెస్క్యూ టీమ్స్‌ సంఘటనా స్థలానికి చేరుకుని సహాయ చర్యల్ని ముమ్మరం చేయడం జరిగిందనీ, శిధిలాల నుంచి మృతదేహాన్ని వెలికి తీశామని పేర్కొంది పిఎసిడిఎ. విలాయత్‌ ఆఫ్‌ రుస్తాక్‌లోని వాడి అల్‌ సహ్‌టన్‌లో ఈ ఘటన చోటు చేసుకుంది.