మస్కట్‌: పురాతనకాలం నాటి వస్తువుల్ని కనుగొన్నట్లు నేషనల్‌ మ్యూజియమ్‌ ఒమన్‌ వెల్లడించింది. ఇవి బ్రాంజ్‌ ఏజ్‌ నాటివని చెబుతూ, 3,100 బిసిఇ - 2,700 బిసిఇ మధ్య వీటిని వినియోగించినట్లుగా పేర్కొన్నారు. రాస్‌ అల్‌ హాద్‌ వద్ద మానవ నాగరికతకు సంబంధించిన ఆనవాళ్ళను ఆర్కియాలజిస్టులు కనుగొన్నారు. 5000 ఏళ్ళ క్రితం నాటివిగా వీటిని గుర్తించారు.అరేబియన్‌ గల్ఫ్‌లో రాస్‌ అల్‌ హాద్‌ ప్రముఖమైన ప్రాచీన ప్రాంతం. వేల ఏళ్ళుగా భూ గర్భంలో వుండిపోవడం వల్ల ఆయా వస్తువుల్ని శిధిలాలుగా కనుగొన్నామని అధికారులు పేర్కొన్నారు. వీటిని నేషనల్‌ మ్యూజియమ్‌ ఆఫ్‌ ఒమన్‌లో భద్రపరిచి, సందర్శకులు వీటిని తలికించేందుకు అవకాశం కల్పిస్తారు.