మస్కట్‌: లేబర్‌ చట్టాన్ని ఉల్లంఘించినందుకుగాను వారం రోజుల్లో 636 మందిని అరెస్ట్‌ చేసినట్లు ఒమన్‌ మినిస్ట్రీ ఆఫ్‌ మేన్‌ పవర్‌ వెల్లడించింది. మరో 426 మందిని డిపోర్టేషన్‌ చేయడం కూడా జరిగింది. సెప్టెంబర్‌ 23 నుంచి 29 వరకు జరిపిన తనిఖీల్లో 502 మంది కమర్షియల్‌ వర్కర్స్‌, 29 మంది అగ్రిక్లచర్‌, 105 మంది డొమెస్టిక్‌ వర్కర్స్‌ ఉల్లంఘనలకు పాల్పడినట్లు గుర్తించారు. లేబర్‌ చట్టంలోని పలు ప్రొవిజన్స్‌ని ఉల్లంఘించినందుకుగాను మరో 426 మంది కార్మికుల్ని డిపోర్ట్‌ చేసినట్లు మినిస్ట్రీ వివరించింది. అరెస్ట్‌ చేసిన కార్మికులకు సంబంధించి చట్టపరమైన చర్యలు తీసుకుంటామని అధికారులు పేర్కొన్నారు.