మస్కట్‌: సుల్తాన్‌ కబూస్‌ స్ట్రీట్‌లో రెండు లేన్లను మూసివేస్తున్నట్లు మస్కట్‌ మునిసిపాలిటీ వెల్లడించింది. అల్‌ అజాబియా ఫ్లై ఓవర్‌ తర్వాత రువి వైపుగా వెళ్ళే ఓడ్డుని గురువారం నుంచి ఆదివారం వరకు మూసివేస్తున్నట్లు అధికారులు పేర్కొన్నారు. మస్కట్‌ మునిసిపాలిటీ, రాయల్‌ ఒమన్‌ పోలీస్‌ ట్రాఫిక్‌ డిపార్ట్‌మెంట్‌ సహకారంతో ఈ మూసివేతను అమలు చేస్తున్నారు. గురువారం నుంచి ఆదివారం వరకు రెండు లేన్లను మూసివేస్తున్న దరిమిలా, వాహనదారులు రోడ్‌ క్లోజర్‌ని దృష్టిలోపెట్టుకోవాలని అధికారులు సూచించారు. ట్రాఫిక్‌ నిబంధనలకు అనుగుణంగా వాహనాల్ని నడపాల్సి వుంటుంది.