మస్కట్‌: సుల్తాన్‌ కబూస్‌ స్ట్రీట్‌పై రువి వైపుగా వెళ్ళే రెండు లేన్స్‌ని గురువారం రాత్రి నుంచి ఆదివారం ఉదయం వరకు మూసివేస్తున్నట్లు మస్కట్‌ మునిసిపాలిటీ పేర్కొంది. అల్‌ ఖువైర్‌ తర్వాత రువి వైపు వెళ్ళే లేన్లను మెయిన్‌టెనెన్స్‌ వర్క్స్‌ నిమిత్తం మూసివేస్తున్నారు. మస్కట్‌ మునిసిపాలిటీ ఆన్‌లైన్‌ ద్వారా ఈ విషయాన్ని వెల్లడించింది. రాయల్‌ ఒమన్‌ పోలీస్‌తో కలిసి మూసివేతను అమలు చేస్తున్నామనీ, సరౌజ్‌ ఏరియా ఎదురుగా అల్‌ ఖువైర్‌ ఫ్లై ఓవర్‌ తర్వాత సుల్తాన్‌ కబూస్‌ స్ట్రీట్‌పై రెండు లేన్లను అక్టోబర్‌ 11 నుంచి అక్టోబర్‌ 14 వరకు మూసివేస్తున్నామని మస్కట్‌ మునిసిపాలిటీ వివరించింది. వాహనదారులు ట్రాఫిక్‌ రూల్స్‌కి అనుగుణంగా వాహనాలు నడపాలని మస్కట్‌ మునిసిపాలిటీ విజ్ఞప్తి చేసింది.