మస్కట్‌: మస్కట్‌ ఇంటర్నేషనల్‌ ఎయిర్‌ పోర్ట్‌లో ఇండోనేషియన్‌ మహిళ ఒకరు, చిన్నారికి జన్మనిచ్చింది. ఉదయం 6.30 నిమిషాలకు అబ్బాయి జన్మించాడు. అతనికి ఫైయాజ్‌ అడామ్‌గా పేరు పెట్టారు. జెడ్డా నుంచి కౌలాలంపూర్‌కి ప్రెగ్నెంట్‌ అయిన ఇండోనేసియన్‌ మహిళ సౌదీ ఎయిర్‌లైన్‌ ఎస్‌వి 836లో వెళుతుండగా, అత్యవసర పరిస్థితుల్లో విమానాన్ని మస్కట్‌ ఇంటర్నేషనల్‌ ఎయిర్‌పోర్ట్‌లో ల్యాండ్‌ చేయాల్సి వచ్చింది. ఎయిర్‌ ట్రాఫిక్‌ కంట్రోల్‌ టవర్‌ నుంచి సమాచారం అందుకోగానే, మెడికల్‌ స్టాఫ్‌, ఎయిర్‌ క్రాఫ్ట్‌ ఎరైవల్‌ కోసం వేచి చూశారు. వెంటనే తగిన వైద్య చికిత్స అందించగా, ఆ ప్రెగ్నెంట్‌ మహిళ చిన్నారికి జన్మనిచ్చింది. వెంటనే తల్లిని, బిడ్డను రాయల్‌ హాస్పిటల్‌కి తరలించారు.