షార్జా సిటీ మరియు కల్బా సిటీలను కలిపే వాడి అల్‌ హెలోవు రోడ్డుని భారీ వర్షాల కారణంగా మూసివేశారు. రోడ్డుపై రెండు వైపులా మార్గాన్ని మూసివేసినట్లు అధికారులు పేర్కొన్నారు. వర్షాల కారణంగా రోడ్లు ప్రమాదకరంగా మారే అవకాశం వున్నందున, పరిమిత వేగంతో మాత్రమే వాహనాలు నడపాలని అధికారులు సూచించారు. షార్జా సహా పలు ప్రాంతాల్లో వర్షాలు కురుస్తున్నాయి. యూఏఈ వ్యాప్తంగా ఈ వర్షాలు కురుస్తుండడంతో కొన్ని చోట్ల ఆహ్లాదకర పరిస్థితులు నెలకొనగా, మరికొన్ని చోట్ల లోతట్టు ప్రాంతాల్లో నీరు నిలిచిపోవడంతో ప్రజలు ఇబ్బందులు పడుతున్నారు.