రస్‌ అల్‌ ఖైమా పోలీసులు, అత్యంత వేగంగా స్పందించి హిట్‌ అండ్‌ రన్‌ కేసులో నిందితుడైన డ్రైవర్‌ని అరెస్ట్‌ చేశారు. కేవలం మూడు గంటల్లోనే బైకర్‌ని అరెస్ట్‌ చేయడం ద్వారా పోలీసులు తమ సమర్థతను ఇంకోసారి చాటి చెప్పారు. రోడ్డు ప్రమాదానికి కారకుడైన నిందితుడు, ప్రమాదం జరిగాక అక్కడి నుంచి పారిపోయినట్లు రస్‌ అల్‌ ఖైమా పోలీస్‌ ట్రాఫిక్‌ అండ్‌ పెట్రోల్స్‌ డిపార్ట్‌మెంట్‌ డైరెక్టర్‌ కల్నల్‌ అహ్మద్‌ అల్‌ సామ్‌ అల్‌ నక్బి చెప్పారు. ప్రమాద సమాచారం అందిన వెంటనే అలర్ట్‌ అయిన కంట్రోల్‌ ఆపరేషన్స్‌ రూమ్‌, సంఘటనా స్థలానికి ట్రాఫిక్‌ పెట్రోల్‌, అంబులెన్స్‌ పారా మెడిక్స్‌ని పంపించడం జరిగింది. గాయపడ్డ వ్యక్తిని వెంటనే ఆసుపత్రికి తరలించారు. ఆ వెంటనే ఇన్వెస్టిగేషన్‌ ప్రారంభమయ్యింది నిందితుడి కోసం. మూడు గంటల్లోనే నిందితుడ్ని పోలీసులు అరెస్ట్‌ చేశారు.