అమెరికా:హెచ్‌-1బీ వీసా నిబంధనలను కఠినతరం చేసేందుకు అమెరికా సన్నద్ధమవుతోంది. ఈ వీసాకు సంబంధించి ఉపాధి, నైపుణ్య ఉద్యోగాల నిర్వచనాన్ని సవరించేందుకు ప్రణాళికలు రచిస్తోంది. హెచ్‌-4 వీసాదారులకు ఉద్యోగ అనుమతులు రద్దు చేసేందుకూ సిద్ధమవుతోంది. అమెరికా 'హోంలాండ్‌ భద్రతా విభాగం(డీహెచ్‌ఎస్‌)' బుధవారం స్వయంగా ఈ వివరాలు వెల్లడించింది. డీహెచ్‌ఎస్‌ ప్రతిపాదనలు అమల్లోకి వస్తే అమెరికాలోని భారతీయ ఐటీ సంస్థలు, భారతీయ అమెరికన్లకు చెందిన పలు చిన్న, మధ్య తరహా సంస్థలపై తీవ్ర ప్రతికూల ప్రభావం పడనుంది.