మస్కట్‌: మస్కట్‌ ఇంటర్నేషనల్‌ ఎయిర్‌ పోర్ట్‌లో ఓ వలసదారుడి నుంచి 60 హెరాయిన్‌ పిల్స్‌ని స్వాధీనం చేసుకున్నారు. యాంటీ నార్కోటిక్స్‌ డిపార్ట్‌మెంట్‌ - మస్కట్‌ ఇంటర్నేషనల్‌ ఎయిర్‌ పోర్ట్‌ ఈ స్మగ్లింగ్‌ని అడ్డుకోవడంలో సఫలమయ్యింది. ఆసియా జాతీయుడైన నిందితుడు, తన పొట్టలో నార్కోటిక్‌ పిల్స్‌తో మస్కట్‌లోకి ప్రవేశించేందుకు ప్రయత్నించాడు. అనుమానంతో నిందితుడ్ని అదుపులోకి తీసుకున్న పోలీసులు, అతనికి వైద్య పరీక్షలు నిర్వహించగా, అతని పొట్టలో నార్కోటిక్‌ పిల్స్‌ వున్నట్లు గుర్తించారు. అత్యంత చాకచక్యంగా నిందితుడి పొట్ట నుంచి నార్కోటిక్‌ పిల్స్‌ని బయటకు తీశారు. నిందితుడిపై కేసులు నమోదు చేశారు. నిందితుడిపై చట్ట పరమైన చర్యలు తీసుకుంటామని రాయల్‌ ఒమన్‌ పోలీస్‌ వెల్లడించడం జరిగింది.