దుబాయ్‌ సహా పలు ఎమిరేట్స్‌లో సాధారణ నుంచి ఓ మోస్తరు వర్షం కురుస్తోంది. రానున్న రోజుల్లో భారీ వర్షాలు సైతం కురిసే అవకాశాలున్నట్లు వాతావరణ శాఖ అంచనా వేస్తోంది. నేషనల్‌ సెంటర్‌ ఫర్‌ మిటియరాలజీ (ఎన్‌సిఎం) అరేబియన్‌ గల్ఫ్‌లోని సీ వెసల్స్‌కి హెచ్చరికలు జారీ చేసింది. సముద్రంలో గాలుల తీవ్రత ఎక్కువగా వుంటుందనీ, అప్రమత్తంగా వుండాలని ఆ హెచ్చరికల్లో పేర్కొంది. సముద్రం రఫ్‌గా వుంటుందనీ 4 నుంచి ఏడు అడుగుల వరకు అలలు ఎగసిపడే అవకాశం వుంటుందని తెలిపింది. సాధారణ నుంచి ఓ మోస్తరు గాలుల కారణంగా డస్ట్‌ స్టార్మ్స్‌ ఏర్పడే అవకాశం వుంటుందని చెబుతూ, విజిబిలిటీ తగ్గుతుంది కాబట్టి వాహనదారులు అప్రమత్తంగా వుండాలని సూచించింది ఎన్‌సిఎం.