బహ్రెయిన్:35 ఏళ్ళ బంగ్లాదేశీ వలసదారుడికి మరణ శిక్ష విధించడం జరిగింది. బహ్రెయినీ ఇమామ్‌ అబ్దుల్‌ జలీల్‌ హమౌద్‌ని నిందితుడు హత్య చేసినట్లు అభియోగాలు మోపబడ్డాయి. ఈ కేసులో మరో నిందితుడికి ఏడాది జైలు శిక్ష విధించింది హై క్రిమినల్‌ కోర్టు. ఇమామ్‌ని నిందితుడు, ఐరన్‌ రాడ్‌తో కొట్టి చంపినట్లు విచారణలో తేలింది. హత్య తర్వాత ఇమామ్‌ మృతదేహాన్ని ముక్కలుగా నరికేందుకు రెండో నిందితుడు సాయం చేసినట్లు పోలీసులు గుర్తించారు. నిందితుడు ముజ్జిన్‌ (ప్రేయర్‌ కాలర్‌)గా మాస్క్‌లో పనిచేస్తున్నాడు. ముహరాక్‌లోని ఆ మాస్క్‌లోనే ఇమామ్‌గా పనిచేశారు మృతుడు హమూద్‌.