పొరుగు దేశం కువైట్‌లో భారీ వర్షాలు, వరదలు పోటెత్తుతున్నాయి. ఈ నేపథ్యంలో యూఏఈ వాతావరణంలోనూ మార్పులు చోటు చేసుకునే అవకాశం వుందని నేషనల్‌ సెంటర్‌ ఫర్‌ మెటియరాలజీ పేర్కొంది. కువైట్‌ నుంచి అరేబియన్‌ గల్ఫ్‌ మీదుగా మారుతున్న వాతావరణం యూఏఈపై ప్రభావం చూపబోతోంది. ప్రధానంగా కోస్టల్‌, వెస్టర్న్‌ ఇంటర్నల్‌ ఏరియాస్‌లో వాతావరణ పరిస్థితులు మారుతాయి. పలు చోట్ల వర్షాలు కురిసే అవకాశం వుంది. బీచ్‌ గోయర్స్‌ అప్రమత్తంగా వుండాలనీ, తీరంలో కెరటాలు పోటెత్తుతాయని ఎన్‌సిఎం హెచ్చరించింది. గాలుల తీవ్రత ఎక్కువగా వుంటుంది గనుక, డస్ట్‌ బ్లో అయ్యే అవకాశాలు ఎక్కువ. కోస్టల్‌ ఏరియాస్‌లో ఈ కారణంగా విజిబిలిటీ బాగా తగ్గిపోతుంది. శుక్రవారం నుంచి శనివారం వరకు యూఏఈలో ఇవే పరిస్థితులు వుంటాయి.