టీటీడీపీ సనత్‌ నగర్‌ అభ్యర్థిగా కూన వెంకటేష్‌ గౌడ్ అభ్యర్థిత్వాన్ని ఆ పార్టీ జాతీయ అధ్యక్షుడు చంద్రబాబు ఖరారు చేశారు. కాసేపటి కిందటే విడుదలైన టీడీపీ నాలుగో జాబితాలో కూన వెంకటేష్‌ గౌడ్‌ను సనత్‌నగర్‌ అభ్యర్థిగా ప్రకటించారు. కూటమి పొత్తులతో కాంగ్రెస్‌ నేత మర్రి శశిధర్‌రెడ్డికి ఈసారి సనత్‌నగర్‌లో అవకాశం దక్కకుండా పోయింది. కూన వెంకటేష్‌ గౌడ్‌ టీఆర్‌ఎస్‌ అభ్యర్థయిన మంత్రి తలసాని శ్రీనివాస్‌ యాదవ్‌తో తలపడనున్నారు.