ఉమ్‌ అల్‌ ఖువైన్‌ ఛారిటీ అసోసియేషన్‌, 78,300 దిర్హామ్‌ల విలువైన మందుల్ని తక్కువ ఆదాయం కలిగిన డయాబెటిక్‌ పేషెంట్స్‌కి అందించడం జరిగింది. వీరిలో వివిధ దేశాలకు చెందినవారున్నారు. జనవరి 1 నుంచి నవంబర్‌ 18 వరకు వీరికి నెలవారీగా అవసరమైన మందుల్ని అందిస్తూ వస్తున్నారు. అసోసియేషన్‌ డైరెక్టర్‌ ఇస్సా అలి బుల్‌హెల్‌ మాట్లాడుతూ, ఆర్థిక ఇబ్బందుల్లో వుండి సాయం కోసం ఎదురుచూస్తున్నవారికి మతాలకతీతంగా, ప్రాంతాలకతీతంగా సాయం చేస్తున్నట్లు చెప్పారు. డయాబెటిస్‌ వ్యాధికి మందులు ఖరీదైనవి ఉపయోగించాల్సి రావడం, ఈ కారణంగా ఆర్థిక ఇబ్బందుల్లోకి పేషెంట్లు వెళ్ళిపోతుండడంతో వారికి మందులు ఉచితంగా ఇవ్వాలని నిర్ణయం తీసుకున్నట్లు బుల్‌హెల్‌ చెప్పారు. సొసైటీ ఛైర్మన్‌ షేక్‌ మర్వాన్‌ బిన్‌ రషీద్‌ అల్‌ ముల్లా మాట్లాడుతూ, డయాబెటిక్‌ కేసుల్ని జాగ్రత్తగా మానిటరింగ్‌ చేస్తున్నట్లు వివరించారు. ఇదిలా వుంటే, చలికాలం కావడంతో 200 లో ఇంకమ్‌ గ్రూప్‌ కుటుంబాల్ని గుర్తించి, వారికి వింటర్‌ క్లోత్స్‌ని అందిస్తున్నట్లు అసోసియేషన్‌ పేర్కొంది.