మనం అప్పుడప్పుడూ చదువుతుంటాం. ఆకాశం నుంచి అది ఊడిపడింది. ఇది ఊడిపడింది అని. లేదంటే ఉల్కలు, తోక చుక్కలు అప్పుడప్పుడు ఆకాశం నుంచి భూమ్మీద పడుతుంటాయంటారు. వాటికి సంబంధించిన వార్తలు మనం చాలానే వింటుంటాం. తాజాగా ఓ ఫైర్ బాల్ కూడా ఆకాశం నుంచి ఊడిపడింది. యూఎస్‌లోని టెక్సాస్‌లో పెద్ద ఆకారంలో ఉన్న ఓ ఫైర్ బాల్ మండుతూ భూమ్మీద పడిపోయింది. గత గురువారం రాత్రి 9.22 నిమిషాలకు ఈ ఘటన జరిగింది. అయితే.. ఈ ఘటన కెమెరాలో రికార్డయింది. ఈ ఘటనపై స్పందించిన నాసా.. అది ఆస్టరాయిడ్ నుంచి విడిపోయిన ఉల్కా అనే వస్తువు అని.. అది రాయిలా ఉంటుందని.. భూమికి సమీపంలోకి రాగానే అది మండుతుందని.. భూమిని తాకగానే అది ఉల్కాపాతంగా మారుతుందని ప్రకటించింది.