దుబాయ్‌ ఫ్యూచర్‌ ఫౌండేషన్‌, మ్యూజియమ్‌ ఆఫ్‌ ది ఫ్యూచర్‌ బేసిక్‌ స్ట్రక్చర్‌ పూర్తయినట్లు వెల్లడించింది. మినిస్టర్‌ ఆఫ్‌ క్యాబినెట్‌ ఎఫైర్స్‌ అండ్‌ ఫ్యూచర్‌, డిఎఫ్‌ఎఫ్‌ బోర్డ్‌ ఆఫ్‌ ట్రస్టీస్‌ వైస్‌ ఛైర్మన్‌, డిఎఫ్‌ఎఫ్‌ డైరెక్టర్‌ మొహమ్మద్‌ అబ్దుల్లా అల్‌ గర్గావి మాట్లాడుతూ, ఈ మ్యూజియం శాస్త్రవేత్తలకు ఓ మంచి డెస్టినేషన్‌ లాంటిది కానుందని చెప్పారు. ప్రపంచ వ్యాప్తంగా వున్న సైంటిస్టులు ఎక్స్‌పర్ట్స్‌, ఇన్నోవేటర్స్‌, క్రియేటివ్‌ మైండ్స్‌కి ఈ ఫ్యూచర్‌ మ్యూజియం ఓ మంచి వేదిక అని అన్నారు. 2020లో ఈ మ్యూజియం సందర్శకులకు అందుబాటులోకి వస్తుందని గర్గావి అభిప్రాయపడ్డారు. ఫ్యూచర్‌ ఆఫ్‌ సైన్స్‌, టెక్నాలజీ ఇన్నోవేషన్‌కి ఈ మ్యూజియం ఐకాన్‌ కాబోతోంది. ప్రపంచంలోనే అత్యాధునిక టెక్నాలజీని వినియోగించి ఈ భవనాన్ని నిర్మిస్తున్నారు.