బహ్రెయిన్:ఆత్మహత్యల్ని నివారించేందుకుగాను అవేర్‌నెస్‌ వర్క్‌షాప్‌ని ఐసిఆర్‌ఎఫ్‌ ఎఫ్‌ (ఇండియన్‌ కమ్యూనిటీ రిలీఫ్‌ ఫండ్‌) నిర్వహించింది. హూరాలోని 2ఫ్లోర్‌లో ఈ కార్యక్రమం జరిగింది. ఐసిఆర్‌ఎఫ్‌ జనరల్‌ సెక్రెటరీ మెహ్రు వెసువల మాట్లాడుతూ ఈ కార్యక్రమానికి మోనా యూసుఫ్‌ అలమోయ్యోద్‌ స్పాన్సర్‌ చేయగా, అనీషా అబ్రహామ్‌ నేతృత్వంలో కార్యక్రమం జరిగిందని చెప్పారు. డాక్టర్‌ అనీషా అబ్రహమామ్‌ ప్రముఖ క్లినికల్‌ సైకాలజిస్ట్‌గా అమెరికన్‌ మిషన్‌ హాస్పిటల్‌లో పనిచేస్తున్నారు. ఇండియన్‌ మెడికల్‌ అసోసియేషన్‌ - బహ్రెయిన్‌ హెడ్‌, అలాగే అమెరికన్‌ మిషన్‌ హాస్పిటల్‌ అమ్వాజ్‌ బ్రాంచ్‌ హెడ్‌, అలాగే ఇండియన్‌ కమ్యూనిటీ రిలీఫ్‌ ఫండ్‌ వైస్‌ ఛైర్మన్‌ అయిన డాక్టర్‌ బాబు రామచంద్రన్‌, ఈ కార్యక్రమంలో పాల్గొన్నారు. అనేక మానసిక సమస్యలతో ఆత్మహత్య చేసుకుంటున్నవారికి ధైర్యం చెప్పడం ద్వారా ఆత్మహత్యల్ని నివారించవచ్చునని ఆత్మహత్యలకు మానసిక సమస్యలే కారణమని వక్తలు అభిప్రాయపడ్డారు.