సౌదీ అరేబియా:సెలవు దినమైన శుక్రవారం (23.11.2018) సౌదీ అరేబియాలోని రియాద్ లోని ఒక కంపెనీ లేబర్ క్యాంపులో కొందరు తెలంగాణ ప్రవాసి కార్మికులు గుమిగూడి జగిత్యాల కాంగ్రెస్  అభ్యర్థి టి. జీవన్ రెడ్డి కి మద్దతు ప్రకటించారు. 

బీర్పూర్ మండలం కొల్వాయి కి చెందిన మెండు హరీష్ పటేల్ ఆధ్వర్యంలో సమావేశమైన పలువురు ప్రవాసీలు వాట్సాప్ ద్వారా తమ కుటుంబ సభ్యులకు ఫోన్ చేసి కాంగ్రెస్ కు ఓటు వేయాల్సిందిగా కోరారు. ఇటీవల ప్రకటించిన కాంగ్రెస్ గల్ఫ్ మేనిఫెస్టో లో ప్రవాసుల సంక్షేమానికి వరాల జల్లు కురిపించినందుకు వారు హర్షం వ్యక్తం చేశారు. ఆసరి మల్లేష్ (జగిత్యాల), వేణు చారి (రేచపెల్లి), మహిపాల్ (నల్గొండ), వెన్న రఘు, ఉమర్ (హైదరాబాద్) తదితరులు ఈ కార్యక్రమంలో పాల్గొన్నారు.