ఒమన్‌:బాలీవుడ్‌ సూపర్‌ స్టార్‌ షారుక్‌ఖాన్‌, ఒమన్‌లో సందడి చేయనున్నాడు. టిఎఫ్‌ఎం, వివోఎక్స్‌ సినిమాస్‌, షారుక్‌త్‌ బిగ్గెస్ట్‌ ఈవెంట్‌ని ప్లాన్‌ చేసింది. ఈ ఈవెంట్‌లో అభిమానులు, షారుక్‌ని కలిసే అవకాశం కల్పిస్తున్నారు. తన కొత్త సినిమా ప్రమోషన్‌ కోసం షారుక్‌, ఒమన్‌ వస్తున్నారు. షారుక్‌ కొత్త సినిమా 'జీరో' డిసెంబర్‌ 21న ప్రేక్షకుల ముందుకు రానున్న సంగతి తెల్సిందే. డిసెంబర్‌ 7న సిటీ సెంటర్‌ మస్కట్‌లో షారుక్‌ సందడి చేస్తాడు. సినిమా ప్రమోషనల్‌ ఈవెంట్‌ ఆ రోజు జరుగుతుంది. జీరో సినిమా విషయానికొస్తే, ఇందులో షారుక్‌ సరసన బాలీవుడ్‌ అందాల భామలు అనుష్క శర్మ, కత్రినాకైఫ్‌ హీరోయిన్లుగా నటిస్తున్నారు. షారుక్‌ ఈ సినిమాలో 'షార్ట్‌ మ్యాన్‌'గా కన్పించనున్న సంగతి తెల్సిందే. హైట్‌లో పొట్టి అయినా, యాటిట్యూడ్‌లో చాలా గట్టి వ్యక్తిగా షారుక్‌ ఈ సినిమాలో సత్తా చాటబోతున్నాడు. ఆనంద్‌ ఎల్‌ రాయ్‌ ఈ చిత్రానికి దర్శకుడు.