యూఏఈలో పలు చోట్ల పొగమంచు దట్టంగా అలముకోవడంతో పలు విమానాలు ఆలస్యమయ్యాయి. అయితే ఎలాంటి క్యాన్సిలేషన్స్‌ లేకపోవడంతో ప్రయాణీకులు ఊపిరి పీల్చుకున్నారు. దుబాయ్‌ ఎయిర్‌పోర్ట్స్‌ వెల్లడించిన వివరాల ప్రకారం జెడ్డా నుంచి దుబాయ్‌ వెళ్ళాల్సిన విమానం 35 నిమిషాలు అలస్యమయ్యింది. మరో ఫ్లై దుబాయ్‌ విమానం బిష్తక్‌ నుంచి దుబాయ్‌ వెళ్ళాల్సి వుండగా ఇది గంట పాటు ఆలస్యమయ్యింది. ఇదిలా వుంటే, యూఏఈలో పొగమంచు కారణంగా విజిబిలిటీ 1000 మీటర్ల కంటే తక్కువ నమోదయ్యింది. ఎన్‌సిఎం (నేషనల్‌ సెంటర్‌ ఫర్‌ మిటియరాలజీ) వెల్లడించిన వివరాల ప్రకారం రానున్న కొద్ది రోజులు వాతావరణ పరిస్థితులు ఇలానే వుండబోతున్నాయి. సముద్రం మోడరేట్‌గా వుండే అవకాశముందని ఎన్‌సిఎం పేర్కొంది. వాతావరణం ఆహ్లాదకరంగానే కొనసాగుతుందని ఎన్‌సిఎం వివరించింది.