దోహా: ఖతార్‌ ఒలింపిక్‌ కమిటీ (క్యుఓసి), 'ఫిట్‌నెస్‌ అండ్‌ హెల్త్‌ 2018' అవేర్‌నెస్‌ ప్రోగ్రామ్‌ని ఖతార్‌ డయాబెటిస్‌ అసోసియేషన్‌తో కలిసి అస్పైర్‌ పార్క్‌లో నిర్వహించింది. ఈ అవేర్‌నెస్‌ ప్రోగ్రామ్‌లో 200 మందికి పైగా ప్రజలు తమ బరువు, ఎత్తు, బ్లడ్‌ ప్రజర్‌, డయాబెటిస్‌కి సంబంధించిన పరీక్షలు చేయించుకున్నారు. డైటీషియన్స్‌, వీరికి కొన్ని సలహాలు, సూచనలు చేయడం జరిగింది. వెయిట్‌ లాస్‌, డయాబెటిస్‌ని కంట్రోల్‌ చేసుకోవడం, బీపీని అదుపులో వుంచుకోవడంపై వైద్యులు సూచనలు చేశారు. డయాబెటిస్‌, హైపర్‌ టెన్షన్‌ (బిపి) సమస్యలు మనిషిని జీవితాంతం వెంటాడుతాయనీ, చిన్న చిన్న ఆహారపు అలవాట్లు, రోజూ వ్యాయామం చేయడం ద్వారా బరువుని అదుపులో పెట్టుకుంటే, డయాబెటిస్‌ - బీపీ అదుపులో వుంచుకోవచ్చని వైద్యులు ఈ సందర్భంగా చెప్పారు. హెల్త్‌ అవేర్‌నెస్‌ ప్రోగ్రామ్‌ పట్ల ప్రజలు హర్షం వ్యక్తం చేస్తున్నారు. వైద్యులు విలువైన సూచనలు చేశారని వారంటున్నారు.