షార్జా ఎయిర్‌పోర్ట్‌ అథారిటీ (ఎస్‌ఎఎ), కొత్త బ్యాగేజీ రూల్స్‌ని షార్జా ఎయిర్‌ పోర్ట్‌లో డిసెంబర్‌ 4 నుంచి అమలు చేస్తోంది. ఆపరేషనల్‌ పెర్ఫామెన్స్‌ని పెంచడం, ఇంప్రోపర్‌ బ్యాగేజీ హ్యాండ్లింగ్‌ని తగ్గించడం వంటి అంశాల నేపథ్యంలో కొత్త రూల్స్‌ అమల్లోకి తెచ్చారు. షార్జా ఎయిర్‌ పోర్ట్‌ నుంచి కార్యకలాపాలు నిర్వహిస్తోన్న వివిధ ఆపరేటర్స్‌కి ఇప్పటికే ఈ విషయమై ఎస్‌ఎఎ సమాచారం అందించింది. కొత్త పాలసీకి అనుగుణంగా లేని బ్యాగేజీని ఎయిర్‌పోర్ట్‌లోకి అనుమతించడంలేదు. కొత్త బ్యాగేజీ పాలసీ ప్రకారం, బ్యాగేజీలు 75 సెంటీమీటర్ల ఎత్తు, 60 సెంటీమీటర్ల వెషడల్పు, 90 సెంటీ మీటర్ల పొడవు వుండాలి. దీనికి విరుద్ధంగా వుండే బ్యాగేజీలను ఓవర్‌సైజ్డ్‌ బ్యాగేజీగా గుర్తిస్తారు. షార్జా ఎయిర్‌ పోర్ట్‌ అత్యాధునిక సాంకేతిక పరిజ్ఞానాన్ని ఉపయోగించి బ్యాగేజీని ట్రాన్స్‌ఫర్‌ చేస్తోంది. ఎస్‌ఎఎ, 200కి పైగా ఎయిర్‌ పోర్ట్స్‌కి సేవలు అందిస్తోంది. ప్రపంచ వ్యాప్తంగా 500 ఎయిర్‌లైన్స్‌కి ఈ ఎయిర్‌పోర్ట్‌ సేవలందిస్తున్న విషయం విదితమే.