షార్జాలోని ఓ భవనంలో అగ్ని ప్రమాదం చోటు చేసుకోగా, ఈ ప్రమాదంలో ఓ చిన్నారి ప్రాణాలు కోల్పోయాడు. బాధిత చిన్నారిని అరబ్‌ జాతీయురాడిగా గుర్తించారు. అగ్ని ప్రమాదం కారణంగా బాధిత చిన్నారి ఎక్కువగా పొగ పీల్చేసినట్లు పోలీసులు పేర్కొన్నారు. అతడ్ని వెంటనే ఆసుపత్రికి తరలించినా, ప్రాణాల్ని కాపాడలేకపోయారు. షార్జా సివిల్‌ డిఫెన్స్‌ ఈ ఘటనకు సంబంధించిన సమాచారాన్ని ఉదయం 11.03 నిమిషాల సమయంలో అందుకుంది. సంఘటనా స్థలానికి చేరుకుని సహాయక చర్యలు చేపట్టారు. కులాయా ప్రాంతంలోని ఓ రెసిడెన్షియల్‌ భవనం ఐదో ఫ్లోర్‌లో ఈ అగ్ని ప్రమాదం జరిగింది. ఈ అగ్ని ప్రమాదంతో ఫ్లాట్‌లోని సామాగ్రి పూర్తిగా కాలి బూడిదైపోయింది. చిన్నారి ప్రాణాలు కోల్పోగా, మిగతా కుటుంబ సభ్యులు క్షేమంగానే వున్నారు.