'దేవుడు శాసిస్తే అరుణాచలం పాటిస్తాడు'.. కానీ తెలంగాణలో కేసీఆర్ శాసించాడు.. 'నాన్న పందులే గుంపులుగా వస్తాయి.. సింహం సింగిల్ గా వస్తుంది' అనే రజనీకాంత్ చెప్పనట్టు గానే కేసీఆర్ తెలంగాణ ఎన్నికల్లో ఒంటరి సృష్టించిన విజృంభణ ప్రతిపక్షాలనే కాదు.. తలైవా రజనీకాంత్ ను కూడా దెబ్బ తీసింది.

రజనీకాంత్ నటించిన రోబో 2.0 గురించే మనం చెప్పుకునేది. రోబో 2.0 మొన్నటి ఎన్నికల ఫలితాల దెబ్బకు సినిమా హాళ్లు అన్ని వెలవెలబోతున్నాయి. ఉత్కంఠగా సాగిన ఎన్నికలు కావడం, ఇంకో పక్క కేసీఆర్ ఇతర పార్టీలకు ఇచ్చిన షాక్ వెరసి మొత్తం మీద ఈ ఎఫెక్ట్ రోబో 2.0 కలెక్షన్లపై పడింది.

అసలే కాస్త, లాస్ లో నడుస్తున్న సినిమా కావడంతో రోజురోజుకు కలెక్షన్లు తగ్గుముఖం పడుతున్నాయి. ఈ నేపథ్యంలోనే ఎన్నికల ఫలితాల హడావుడిలో సినిమాను ఫ్యాన్స్ పట్టించుకోవడం మానేశారు. అయితే ఫలితాలు అనంతరం సాయంత్రం ఫస్టు షో, సెకండ్ షోకైనా ప్రేక్షకులు వస్తారానుకుంటే ఆ పని జరుగలేదని సినిమా వర్గాలు చెబుతున్నాయి. కేసీఆర్ హవాను ఇతర పార్టీలను ట్రోల్ చేయడంలోనే సోషల్ మీడియా అంతా బీజీబీజీగా ఉండటంతో ఎవరూ కూడా సినిమా వంక తొంగి చూడలేదు.

ఇప్పటికి వరకు పెట్టిన ఖర్చులో సగం మాత్రమే వసూళ్లు రాబట్టిన రోబో 2.0కు మరింత బ్రేక్ రావాలంటే దేవుడు దిగిరావాల్సిందేనని సినీప్రియులు చర్చించుకుంటున్నారు. మరి సంక్రాంతి వరకూ ఈ సినిమా రన్ అవుతుందని కాన్ఫిడెన్స్ తో ఉన్న నిర్మాతలు ఈ సినిమా లాంగ్ రన్లో ఏమవుతుందనే టెన్షన్లో ఉన్నారట. మరీ సినిమా వసూళ్లు సాధిస్తుందో లేదో మరీ చూడాలి.