కువైట్‌ సిటీ: ఓ ఆయిల్‌ కంపెనీ అధికారి, తన బ్యాంక్‌ అకౌంట్‌ నుంచి 4,000 కువైటీ దినార్స్‌ దొంగతనానికి గురైనట్లు పోలీసులకు ఫిర్యాదు చేశారు. ఈ మేరకు అర్దియా పోలీస్‌ స్టేషన్‌లో ఫిర్యాదు చేయడం జరిగింది. వివరాల్లోకి వెళితే, ఓ అజ్ఞాత వ్యక్తి తనకు ఫోన్‌ చేసి ఇంగ్లీషులో మాట్లాడాడనీ, 20,000 కువైటీ దినార్స్‌ ప్రైజ్‌ మనీ గెల్చుకున్నట్లు చెప్పాడనీ, అతని సూచనల మేరకు తన బ్యాంక్‌ అకౌంట్‌ డిటెయిల్స్‌ ఇచ్చాననీ, పాస్‌వర్డ్‌ కూడా ఇచ్చాననీ, అయితే 20,000 కువైటీ దినార్స్‌ రాకపోగా, తన అకౌంట్‌లో వున్న 4,000 కువైటీ దినార్స్‌ చోరీ అయ్యాయని వాపోయారు ఆ అధికారి. పోలీసులు కేసును విచారిస్తున్నారు.