డ్రోన్‌ సాయంతో కిలోగ్రామ్‌ హాషిస్‌ని స్మగ్లింగ్‌ చేస్తున్న కువైటీ వ్యక్తిని సబాహియాలో అరెస్ట్‌ చేసినట్లు అధికారులు పేర్కొన్నారు. ఇంటీరియర్‌ మినిస్ట్రీ ఈ విషయాన్ని ధృవీకరించింది. డ్రగ్‌ కంట్రోల్‌ జనరల్‌ డిపార్ట్‌మెంట్‌కి అందిన విశ్వసనీయ సమాచారం నేపథ్యంలో నిందితుడ్ని అత్యంత చాకచక్యంగా అరెస్ట్‌ చేశారు. పక్కా సమాచారంతో, నిందితుడ్ని అరెస్ట్‌ చేయడానికి ట్రాప్‌ చేశారు అధికారులు. ఈ క్రమంలో నిందితుడు ప్రమాదాన్ని పసిగట్టి పారిపోయేందుకు ప్రయత్నించినా, అధికారులు అతన్ని పట్టుకోగలిగారు. ఈ క్రమంలో నిందితుడి నుంచి డ్రోన్‌నీ, బరువు తూచే యంత్రాన్నీ స్వాధీనం చేసుకున్నారు. నిందితుడిపై తదుపరి చర్యల నిమిత్తం సంబంధిత అధికారులకు అప్పగించారు.