అబుదాబీ పోలీస్‌, 231 కిలోల హెరాయిన్‌ స్మగ్లింగ్‌ని అడ్డుకున్నారు. ఫిషింగ్‌ బోటులో ఈ హెరాయిన్‌ని దేశంలోకి స్మగుల్‌ చేస్తున్నట్లు సమాచారం అందడంతో, అత్యంత వ్యూహాత్మకంగా వ్యవహరించిన పోలీసులు స్మగ్లింగ్‌ అటెంప్ట్‌ గుట్టు రట్టు చేసి, ఇద్దరు ఆసియా జాతీయుల్ని అరెస్ట్‌ చేశారు. వారి నుంచి 231 కిలోల హెరాయిన్‌ని అస్వాధీనం చేసుకున్నారు. అరెస్టు చేసినవారిలో డ్రగ్‌ షిప్‌మెంట్‌ ఓనర్‌ కూడా వున్నారు. అబుదాబీ పోలీస్‌ డైరెక్టర్‌ జనరల్‌ మేజర్‌ జనరల్‌ మక్తౌమ్‌ అలి అల్‌ షరిఫి మాట్లాడుతూ, ప్రమాదకరమైన డ్రగ్స్‌ విషయంలో అత్యంత కఠినంగా వ్యవహరిస్తున్నట్లు చెప్పారు. డైరెక్టర్‌ ఆఫ్‌ డైరెక్టరేట్‌ ఆఫ్‌ డ్రగ్‌ కంట్రోల్‌ - క్రిమినల్‌ సెక్యూరిటీ సెక్టార్‌ కల్నల్‌ తాహెర్‌ ఘరీబ్‌ అల్‌ దాహిరి మాట్లాడుతూ, డ్రగ్స్‌ స్మగ్లింగ్‌కి సంబంధించిన సమాచారాన్ని పూర్తిగా విశ్లేషించి నిందితుల్ని అరెస్ట్‌ చేసినట్లు తెలిపారు.