మస్కట్‌:మూడు ప్రముఖ బేకరీలను భద్రతా ప్రమాణాల ఉల్లంఘన నేపథ్యంలో షట్‌ డౌన్‌ చేసినట్లు అధికారులు పేర్కొన్నారు. ఇబ్రి మునిసిపాలిటీ పరిధిలో ఈ మూసివేతలు జరిగాయి. ఇబ్రి మునిసిపాలిటీ, పలు బేకరీల్లో తనిఖీలు నిర్వహించిందనీ, ఈ నేపథ్యంలో నిబంధనల్ని ఉల్లంఘించిన బేకరీలపై కఠిన చర్యలు చేపట్టామని అధికారులు తెలిపారు. మూసివేసిన బేకరీల్లో అనారోగ్యకర వాతావరణంలో ఆహార పదార్థాల్ని తయారు చేస్తున్నారని అధికారులు వివరించారు. ఇకపైనా ఈ తనిఖీలు జరుగుతాయనీ, ఆకస్మిక తనిఖీలు జరిపి ఉల్లంఘనలకు పాల్పడినవారిపై కఠిన చర్యలు తీసుకుంటామని హెచ్చరించారు అధికారులు.