భారత మాజీ ప్రధాని అటల్ బిహారీ వాజ్‌పేయికి ప్రధాని నరేంద్రమోడీ జన్మదిన శుభాకాంక్షలు తెలిపారు. వాజ్‌పేయి ఇవాళ 91వ పడిలోకి అడుగుపెట్టారు. తమ ప్రియమైన నాయకుడు వాజ్‌పేయికి జన్మదిన శుభాకాంక్షలు. భారత్ క్లిష్ట పరిస్థితుల్లో ఉన్నప్పుడు వాజ్‌పేయి అసాధారణ నాయకత్వం అందించిన గొప్ప వ్యక్తి అని ప్రశంసించారు. వాజ్‌పేయి ఒక పార్టీ నేతగా కాకుండా ప్రధాన మంత్రి, మంత్రిగా, ఎంపీగా సేవలందించారని తెలిపారు. ఆప్ఘన్ పర్యటనలో ఉన్న ప్రధాని మోడీ ఈ సాయంత్రం హస్తినకు చేరుకుంటారు. హస్తినకు చేరుకోగానే నేరుగా మోడీ వాజ్‌పేయి నివాసానికి వెళ్లి జన్మదిన శుభాకాంక్షలు తెలుపుతారు.